మెల్లిగా ముంబైకు మకాం మారుస్తున్న టాలీవుడ్ క్రేజీ హీరోయిన్
cinema | Suryaa Desk | Published : Fri, May 27, 2022, 12:23 PM
సౌత్ స్టార్ హీరోయిన్లలో చాలామంది ఇక్కడ మంచి గుర్తింపు రాగానే బాలీవుడ్ కి మకాం మార్చేసి అక్కడ పాగా వెయ్యాలనుకుంటారు. అతిలోక సుందరి శ్రీదేవితో మొదలుపెట్టి, తాజాగా రష్మిక మండన్నా వరకు అందరూ ఫాలో అవుతున్న స్టాటజీ ఇదే. తాజాగా ఈ లిస్టులో చేరబోతున్న మరో హీరోయిన్ ఎవరంటే...టాలీవుడ్ క్రేజీ హీరోయిన్ సమంత.
సమంత ముంబైకు షిఫ్ట్ అవుతుందన్న వార్తలు, భర్త నాగ చైతన్యతో విడాకులు తీసుకున్నప్పటి నుండి వినిపిస్తున్నాయి. కానీ సమంత మాత్రం హైదరాబాద్ గచ్చిబౌలి లోని పాతింటిలో ఒంటరిగానే ఉంటుంది. పుష్పలో చేసిన ఐటెం సాంగ్ బాలీవుడ్ లో కూడా సూపర్ హిట్ అవ్వడంతో సమంత క్రేజ్ బాలీవుడ్లో మరింత పెరిగింది. అంతకుముందే రాజ్ అండ్ డీకే డైరెక్షన్లో చేసిన ది ఫ్యామిలీ మ్యాన్ వెబ్ సిరీస్ 2 తో ఉత్తరాదిన సమంత బాగా పాపులారయ్యింది. దీంతో సమంతకు మరో క్రేజీ వెబ్ సిరీస్ లో ఫిమేల్ లీడ్ లో నటించే అవకాశం వచ్చింది. రాజ్ అండ్ డీకే డైరెక్షన్లో రూపొందబోతున్న సిటాడెల్ వెబ్ సిరీస్ లో సమంత బాలీవుడ్ స్టార్ హీరో వరుణ్ ధావన్ సరసన నటిస్తుంది. గత కొంత కాలం నుండి హైదరాబాద్ టు ముంబై చెక్కర్లు కొడుతున్న సామ్ ఇకమీదటి నుండి ముంబైలోనే ఉండాలని, సిటాడెల్ వెబ్ సిరీస్ షూటింగ్ గ్యాప్ లో ముంబైలోనే సేద తీరాలని భావిస్తోందట. అక్కడ ఉంటూనే మధ్యలో ఒక్కోసారి హైదరాబాద్ కు వచ్చి తన ప్లే స్కూల్, ఆర్గానిక్ ఫార్మింగ్, అప్పారెల్ స్టోర్ ల బిజినెస్ ను చూసుకోవాలని సమంత ప్లాన్ వేస్తుందట.
|
|