మహేష్ బాబుని కన్నడ నటుడిగా పేర్కొన్న జాతీయ మీడియా
cinema | Suryaa Desk | Published : Fri, May 13, 2022, 11:26 AM
టాలీవుడ్ యంగ్ హీరో అడవి శేష్ మేజర్ మూవీ ట్రైలర్ లాంచ్ ఈవెంట్ లో సూపర్ స్టార్ మహేష్ బాబు తన బాలీవుడ్ ఎంట్రీ పై చేసిన వ్యాఖ్యలు వైరల్ అయ్యాయి. బాలీవుడ్ నన్ను భరించలేదు... నన్ను భరించలేని పరిశ్రమలో అడుగు పెట్టి టైం వేస్ట్ చెయ్యదలచుకోలేదని అని మహేష్ అన్న మాటలు కాంట్రవర్సీ కి దారితీసాయి. అయితే ఆ తర్వాత తను చేసిన వ్యాఖ్యలు ప్రజలకు వేరేవిధంగా చేరటంతో మహేష్ ఈ విషయం పై వివరణ కూడా ఇచ్చుకున్నారు. సూపర్స్టార్ ఇమేజ్ ఉన్న తెలుగు చిత్ర పరిశ్రమలో సినిమాలు చెయ్యటమే నాకు కంఫర్ట్ గా ఉంటుంది. వేరే ఇండస్ట్రీల పట్ల నాకు అపారమైన గౌరవం ఉంది... అని మహేష్ క్లారిటీ ఇచ్చాడు.
అయితే ఈ వ్యాఖ్యలపై పలువురు బాలీవుడ్ ప్రముఖులు మహేష్ భట్, బోనీ కపూర్ వంటి వారు తమ స్పందనను ఇప్పటికే తెలియచేసారు. జాతీయ మీడియా కూడా మహేష్ బాబు చేసిన బాలీవుడ్ ఎంట్రీ వ్యాఖ్యలను బాగా కాంట్రవర్సీ చేసింది. ఈ క్రమంలో మహేష్ బాబును కన్నడ నటుడు అని మీడియాలో ప్రచురించింది.
ప్రముఖ జాతీయ వార్తా సంస్థ CNN లైవ్ న్యూస్ లో మహేష్ బాబును తెలుగు నటుడిగా కాకుండా ఒక కన్నడ నటుడిగా పేర్కొనటం, బాలీవుడ్ మీడియా సౌత్ వాళ్ళ మీద ఉన్నటువంటి అక్కసును తెలియచేస్తుంది. గతంలో మెగాస్టార్ విషయంలో కూడా బాలీవుడ్ మీడియా ఇలాంటి తప్పుడు వార్తలనే ప్రచారం చేసింది. కన్నడ నటుడు చిరంజీవి సర్జా మరణించినప్పుడు ఆయన ఫొటోకు బదులుగా మెగాస్టార్ ఫోటోను ప్రచురించాడు ఒక ప్రముఖ ఉత్తరాది జర్నలిస్టు. ఇప్పుడేమో ఒక న్యూస్ ఛానెల్ మహేష్ బాబును కన్నడ నటుడిగా పేర్కొంది.
CNN న్యూస్ ఛానెల్ మహేష్ బాబును కన్నడ నటుడిగా పేర్కొన్న వార్తను సోషల్ మీడియాలో నెటిజన్లు ట్రెండ్ చేస్తున్నారు. సదరు వార్త సంస్థను ట్రోల్ చేస్తున్నారు.
|
|