ట్రెండింగ్
‘ఉప్సీ గారండీ చిట్టిబాబుకి ఆకలేస్తోందండీ’ వాచ్ వీడియో
cinema | Suryaa Desk | Published : Thu, Feb 01, 2018, 12:34 PM
‘ఉప్సీ గారండీ చిట్టిబాబుకి ఆకలేస్తోందండీ’ అంటూ ఓ బొమ్మను చేతిలో పట్టుకుని గోదావరి యాసలో రామ్ చరణ్ తేజ్ అలరించాడు. ఈ వీడియోని ఉపాసన షేర్ చేశారు.రామ్చరణ్ సతీమణి ఉపాసన సోషల్మీడియాలో చాలా చురుకుగా ఉంటారన్న సంగతి తెలిసిందే. చెర్రీకి సంబంధించిన విశేషాలు చెబుతుంటారు.ఈ రోజు చరణ్ ఉన్న ఓ సరదా వీడియోను ఫేస్బుక్లో షేర్ చేశారు. ‘నా ప్రియమైన మిస్టర్ సి (రామ్చరణ్) లంచ్ పెట్టమని ఇలా అడిగాడు’ అని రాశారు. ఈ వీడియోలో చరణ్ చిన్న బొమ్మను ముఖానికి అడ్డుగా పెట్టుకుని ‘ఉప్స్ (ఉపాసన) గారండీ.. చిట్టిబాబుకు ఆకలేస్తోందండి’ అని అందంగా చెప్పడం ఆకట్టుకుంది.
ప్రస్తుతం చరణ్ ‘రంగస్థలం’ సినిమా షూటింగ్లో బిజీగా ఉంటున్న సంగతి తెలిసిందే. సుకుమార్ దర్శకుడు. మైత్రీ మూవీ మేకర్స్ సంస్థ సినిమాను నిర్మిస్తో్ంది. వేసవిలో ఈ సినిమా ప్రేక్షకుల ముందుకు రానుంది.
|
|