అవార్డు అందుకునే సమయంలో దీపిక ఒక్కసారిగా ..

 తీవ్ర వివాదాల మధ్య ప్రేక్షకుల ముందుకు వచ్చిన ‘పద్మావత్’ సినిమా ఘనవిజయం సాధించి.. రికార్డుల దిశగా దూసుకుపోతోంది. ఈ సినిమాలో బాలీవుడ్ బ్యూటీ దీపికా పడుకునే పద్మావతిగా కీ రోల్‌లో నటించి ప్రేక్షకులను మెప్పించింది. అయితే తాజాగా ఓ విషయంలో దీపిక పడుకునే కన్నీరుపెట్టుకుంది.

 దీపికా పడుకునే తండ్రి ప్రకాష్ పడుకునె భారత బ్యాడ్మింటన్‌‌లో ప్రముఖ ఆటగాడిగా గుర్తింపు పొందారు. బ్యాండ్మింటన్‌లో అనేక విజయాలు సాధించి దేశ ఖ్యాతిని నలుదిశలా వ్యాపింపజేసిన ప్రకాశ్ పదుకునేకి బ్యాడ్మింటన్ అసోసియేషన్ ఆఫ్ ఇండియా జీవిత సాఫల్య పురస్కారాన్ని ప్రకటించింది. మంగళవారం ఢిల్లీలో జరిగిన అవార్డు ప్రదానోత్సవంలో ఉపరాష్ట్రపతి వెంకయ్య నాయుడు చేతుల మీదుగా ఈ అవార్డును ఆయన అందుకున్నారు. ఈ కార్యక్రమానికి ఆయన కుటుంబ సభ్యులు కూడా హాజరయ్యారు. అయితే ప్రకాశ్ పడుకునే అవార్డు అందుకునే సమయంలో దీపిక ఒక్కసారిగా భావోద్వేగానికి లోనైంది. తన తండ్రి గొప్పతనాన్ని తలుచుకొని కన్నీరుపెట్టుకుంద

 కాగా, అవార్డు అందుకున్న అనంతరం మాట్లాడిన ప్రకాశ్ పడుకునే.. ‘‘బ్యాడ్మింట్ నాకేం ఇచ్చిందని చూడకు.. బ్యాడ్మింటన్‌కు నేనేం చేయగలను అని అడుగు’’ అని పేర్కొన్నారు. తాను డబ్బు కోసమో.. గుర్తింపు కోసమో బ్యాడ్మింటన్ ఆడలేదన్న ప్రకాశ్.. బ్యాడ్మింటన్‌పై ప్రేమతో ఆడానని చెప్పారు. ప్రకాశ్ పడుకునే మూడుసార్లు వరల్డ్ చాంపియన్‌ షిప్‌ నెగ్గడంతో పాటు.. కామన్‌వెల్త్ గేమ్స్, ఆసియన్ గేమ్స్, వరల్డ్‌కప్, వరల్డ్ గ్రాండ్ ప్రిక్స్‌లో ఎన్నో విజయాలు నమోదుచేసి.. ప్రస్తుత, భవిష్యత్ భారత బ్యాడ్మింటన్ ప్లేయర్స్‌కి ఆదర్శంగా నిలిచారు.