లారెన్స్ తమ్ముడు నన్ను వేధిస్తున్నాడంటూ పోలీసులకు ఫిర్యాదు చేసిన యువతి..
cinema | Suryaa Desk | Published : Fri, Mar 06, 2020, 05:35 PM
ప్రముఖ సినీ నటుడు, కొరియోగ్రాఫర్, దర్శకుడు లారెన్స్ రాఘవ తమ్ముడు వినోద్ (ఎల్విన్) తనను వేధిస్తున్నాడంటూ వరంగల్ జిల్లాకు చెందిన దివ్య అనే జూనియర్ ఆర్టిస్ట్ ఆరోపించింది. అతని ప్రేమను తాను తిరస్కరించడంతో వేధించడం మొదలు పెట్టాడని చెప్పింది. ఈరోజు మీడియాతో ఆమె మాట్లాడుతూ... వినోద్ వేధింపులను తట్టుకోలేక హైదరాబాద్ వెస్ట్ మారేడ్ పల్లి పోలీసులకు తాను ఫిర్యాదు చేశానని... అయితే సీఐతో కుమ్మక్కై వారు తనపై తప్పుడు కేసులు పెట్టారని తెలిపింది. ఇప్పుడు ఆ అధికారి ఏసీపీగా ఉన్నారని చెప్పింది. ఆ అధికారి లారెన్స్ కు నమ్మినబంటులా మారిపోయారని తెలిపింది. వీరందరి చీకటికోణాలు తనకు తెలుసని చెప్పింది.
సదరు పోలీసు అధికారి అండతో వారు తనను జైలుకు పంపించారని దివ్య ఆవేదన వ్యక్తం చేసింది. కొన్ని రోజులుగా తనను కొందరు ఫాలో అవుతున్నారని... లారెన్స్ తమ్ముడితో తనకు ప్రాణ భయం ఉందని చెప్పింది. వారు తనను చంపాలనుకుంటున్నారని తెలిపింది. తనను కాపాడాల్సిందిగా ముఖ్యమంత్రి కేసీఆర్ ను వేడుకుంటున్నానని చెప్పింది.
|
|