'ఊరంతా అనుకుంటున్నారు' పూర్తిగా ఫ్యామిలీ ఎంటర్ టైనర్ : మేఘా చౌదరి

ఇందులో నా కారెక్టర్ పేరు ఘాడీ.. పక్కింటి అమ్మాయి తరహా పాత్ర ఇది. చాలా సంప్రదాయ బద్ధంగా ఉంటుంది ఘాడీ పాత్ర. ఇండిపెండెంట్ భావాలుండే అమ్మాయి పాత్ర. ప్రతీ అమ్మాయికి ఈ పాత్ర కనెక్ట్ అవుతుంది. ఓ వైపు కుటుంబాన్ని.. మరోవైపు ప్రొఫెషనల్ లైఫ్‌ను సరిగ్గా బ్యాలెన్స్ చేసుకునే అమ్మాయి పాత్ర. ఇక్కడి వరకు నా పాత్ర.. మిగిలింది సినిమాలో చూడండి

నవీన్ మంచి హ్యూమన్ బీయింగ్.. ఎడిటర్‌గా తన కెరీర్ మొదలుపెట్టి ఇప్పుడు నటుడిగా మారడం అద్భుతమైన విషయం. ఆయనలో మంచి యాక్టర్ ఉన్నాడు. నేను హైదరాబాద్‌కు వచ్చినపుడు హైదరాబాద్‌లో ఎవరూ తెలియదు. 2017 డిసెంబర్ 31న ఇంకో సినిమా కోసం నేను హైదరాబాద్ వచ్చాను. అప్పుడు ఊరంతా స్క్రిప్ట్ విన్నాను. ఆ తర్వాత టీంతో కలిసాక నవీన్ మంచి ఫ్రెండ్ అయిపోయాడు. అప్పటి వరకు నాకు ఇక్కడ నో ఫ్రెండ్స్.. కానీ ఒక్కసారి నవీన్ అండ్ టీంతో కలిసిన తర్వాత ఆ లోటు కనిపించలేదు నాకు. 2017లో అప్పుడు నేను సైన్ చేసిన సినిమా నిర్మాత, దర్శకులు నన్ను బయటికి తీసుకెళ్లి పార్టీ ఇచ్చారు. అప్పుడే అనిపించింది నాకు.. హైదరాబాద్‌లో అంతా ఓ ఫ్యామిలీలా ఉంటారని. ఆ తర్వాత నవీన్ టీంతో పరిచయం అయింది. అప్పట్నుంచి వాళ్ల సపోర్ట్ నాకు ఉంది. షూటింగ్‌లో అప్పుడప్పుడూ ఏమైనా ప్రాబ్లమ్స్ వచ్చినపుడు నేను అరుస్తుంటాను కానీ నవీన్ మాత్రం చాలా కామ్ అండ్ కూల్. ఏ ప్రాబ్లమ్ ఉన్నా కూడా చాలా సైలెంట్‌గా ఉంటాడు. అది ఆయన నుంచి నేను నేర్చుకున్నా. ఏదైనా మనం అనుకున్న పని ప్లాన్ ప్రకారం జరక్కపోయినా కూడా ఏ మాత్రం టెన్షన్ పడడు.

ఊరంతా అనుకుంటున్నారు పూర్తిగా ఫ్యామిలీ ఎంటర్ టైనర్. ఇందులో ప్రతీ పాత్ర మన కుటుంబంలో ఉన్నట్లే ఉంటుంది. రోజూ మన కుటుంబంలో ఉన్న పాత్రలే సినిమాలో కూడా కనిపిస్తాయి. ప్రతీ పాత్రకు చాలా ఇంపార్టెన్స్ ఉంటుంది. ముఖ్యంగా జయసుధ, రావు రమేష్, కోట శ్రీనివాసరావు లాంటి సీనియర్ నటులతో స్క్రీన్ షేర్ చేసుకోవడం గౌరవంగా భావిస్తున్నాను. అందరి పాత్రలు సినిమాలో చాలా అద్భుతంగా ఉంటాయి. ప్రతీ ఇంట్లో ఉన్నట్లే ఈ కారెక్టర్స్ ఉంటాయి. అంతా ఎంత సీనియర్స్ అయినా కూడా ఒక్కసారి సెట్‌కు వచ్చిన తర్వాత అంతా కలిసిపోతారు. ఈ సినిమాను కేవలం కథ కోసమే ఒప్పుకున్నాను. ఇందులో హీరో 50 సీన్స్ చేస్తే.. అందులో నావి కూడా 50 సీన్స్ ఉంటాయి. రెండు కథలు ప్యారలల్‌గా వెళ్తుంటాయి. కేయం రాధాకృష్ణన్ గారి పాటలు కూడా చాలా బాగున్నాయి. కన్నా అనే పాట నాకు బాగా నచ్చింది. రాశీఖన్నా ఈ పాటను పాడారు. దసరాకు హ్యాపీగా కుటుంబంతో వెళ్లి చూడదగ్గ సినిమా ఇది.