తమిళ నాట సైరా సరికొత్త రికార్డు
cinema | Suryaa Desk | Published : Tue, Oct 01, 2019, 10:44 PM
మెగాస్టార్ చిరంజీవి హీరోగా `సైరా నరసింహారెడ్డి` అక్టోబర్ 2న విడుదల కానుంది. తొలి తెలుగు స్వాతంత్య్ర పోరాట యోధుడు ‘ఉయ్యాలవాడ నరసింహారెడ్డి’ జీవిత చరిత్ర ఆధారంగా తెరకెక్కిన మోస్ట్ వెయిటెడ్ ప్యాన్ ఇండియా మూవీ ‘సైరా’పై భారీ అంచనాలు నెలకొన్న నేపధ్యంలో చెన్నైలో తెలుగు ప్రేక్షకుల కోసం విడుదల రోజు ఉదయం 8 గంటల స్పెషల్ షోలు 50 ఏర్పాటు చేసినట్టు సమాచారం. వీటిలో తమిళ వెర్షన్ లేదని కేవలం తెలుగు వెర్షన్ ప్రదర్శనలు మాత్రమే ఉంటాయని వారు చెపుతుండటం విశేషం. తెలుగు చలన చిత్ర పరిశ్రమలో ఇప్పటివరకు ఏ తెలుగు సినిమాకు ఇన్ని స్పెషల్ షోలు వేయలేదని ఈ చిత్రాన్ని తమిళనాట విడుదల చేస్తున్న నిర్మాణ సంస్థ సూపర్ గుడ్ ఫిల్మ్స్ సంస్ధ ప్రతినిధులు చెప్పారు. ఈమధ్యే విడుదలైన ‘సాహో’కి కూడా 30 స్పెషల్ షోలు వేయడం జరిగిందని పెద్ద పెద్ద స్టార్లు నటించడంతో తమిళ ప్రేక్షకుల్లో కూడా ఈ సినిమాపై మంచి క్రేజ్ పెరిగిందని అందువల్లనే ఎక్కువ ధియేటర్లలో ప్రిమియం షోలు వేసినట్టు తెలిపారు. సో ఇక్కడ ‘సైరా’ కొత్త రికార్డ్ క్రియేట్ చేసిందనే చెప్పాలి.
|
|