కుర్రాళ్లను ఊపేస్తున్న బిగ్ బాస్ క్వీన్!

రషమి దేశాయ్.. టెలివిజన్ ప్రేక్షకులకు పరిచయం అక్కర్లేని పేరు ఇది. వెండితెర కథానాయికలకు మించిన అందం రషమి దేశాయ్ సొంతం. టెలివిజన్ రంగంలోకి ఎంటరైన ఈ బెంగాలీ సోయగం ప్రస్తుతం సల్మాన్ ఖాన్ హోస్ట్ గా వ్యవహరిస్తున్న బిగ్ బాస్-13 సీజన్ లో హాట్ ఫేవరేట్ గా నిలుస్తోంది. హౌస్ లో ఎంత మంది కంటెస్టెంట్స్ వున్నా రషమి దేశాయ్ క్రేజ్ మాత్రం ప్రత్యేకం. 2012లో టీవీ నటుడు సందీష్ సంధూని ఈ అమ్మడు పెళ్లాడింది. కొంత కాలం సాఫీగానే సాగిన వీరి వైవాహిక జీవితంలో కలతలు తలెత్తడంతో 2015లో విడిపోయారు.

గత కొంత కాలంగా అర్హాన్ ఖాన్ తో ప్రేమాయణం సాగిస్తోందని ప్రచారం జరుగుతోంది. తను కూడా బిగ్బాస్ -13 హౌస్ లోకి ఎంటరయ్యాడు. రషమి కూడా ఇదే హౌస్ లోకి ప్రవేశించడంతో ఇక హౌస్ లో ఇద్దరి రచ్చ మామూలుగా వుండదని ప్రచారం జరుగుతోంది. ఓ పక్క హౌస్ లో వున్న బోయ్స్ రషమి దేశాయ్ కోసం వేయి కళ్లతో ఎదురుచూస్తున్నారట. కలర్స్ టీవి ఇన్ స్టాలో వెల్ కమ్ పోస్ట్ కూడా పెట్టేసింది. `అందరి తపస్సుల్ని భంగం చేయడానికి వచ్చేస్తోంది బిగ్ బాస్ జంగిల్ లోకి` అంటూ పెట్టిన పోస్ట్ ఆసక్తికరంగా మారింది.  బిగ్ బాస్ హౌస్ లోకి ఎంటరవ్వడానికి ముందు రషమి దేశాయ్ పలు ఆసక్తిక అంశాల్ని వెల్లడించింది. బిగ్ బాస్ కోసం ఇంతకు ముందే తనకు ఫోన్ వచ్చిందని అయితే హౌస్ లోకి వెళ్లడానికి భయపడ్డానని గత రెండు సీజన్ లు చూశాక ధైర్యమొచ్చిందని చెప్పుకొచ్చింది.

రూమర్డ్ బోయ్ ఫ్రెండ్ గురించి అడిగిన ఆసక్తికర ప్రశ్నకు గడుసుగానే సమాధానం చెప్పేసింది. హౌస్ లో బాయ్ ఫ్రెండ్ వున్నాడని ప్రచారం జరుగుతోంది. ఇక్కడే పెళ్లి చేసుకుంటారా? అని అడిగితే ` కొన్ని సందర్భాల్లో జనాలకు ఏది ఆసక్తికరంగా అనిపిస్తే ఆ టాపిక్ని మాట్లాడుకుంటుంటారు. ముందు షో మొదలవ్వనీయ్యండి ఏం జరుగుతుందో.. ఏం జరగబోతోందో చూద్దాం` అని సమాధానం చెప్పి బాయ్ ఫ్రెండ్ గురించి బయటపెట్టకుండా తెలివిగా తప్పించుకుంది.