'హష్' తో సమంత..వైరల్ అవుతున్న పోస్ట్ ..!
cinema | Suryaa Desk | Published : Tue, Oct 01, 2019, 12:34 PM
అక్కినేని వారి కోడలు సినిమాలతో పాటు సోషల్ మీడియాలో కూడా యాక్టివ్గా ఉంటారన్న సంగతి తెలిసిందే. ఈ క్రమంలో తన సినిమా అప్డేట్లతో పాటు కుటుంబ విషయాలను కూడా అభిమానులతో పంచుకుంటారు.అదే విధంగా.. తమ పెంపుడు కుక్క హష్ను ఒళ్లో కూర్చోబెట్టుకుని లాలిస్తూ సమంత మూగజీవాల పట్ల ప్రేమను చాటుకున్నారు. ‘జంతువులను ప్రేమించినంత వరకు... ఏ ఒక్కరి ఆత్మ కూడా పరిపూర్ణం కానట్లే.. స్పందించే హృదయం లేనట్లే’ అనే క్యాప్షన్తో సోషల్ మీడియాలో షేర్ చేసిన ఈ ఫొటో అభిమానులను విపరీతంగా ఆకట్టుకుంటోంది.
ఈ క్రమంలో హష్ను ముద్దు చేస్తున్న ఫొటోను సమంత సోమవారం తన ఇన్స్టా అకౌంట్లో షేర్ చేశారు. ఆరున్నర లక్షలకు పైగా లైకులు సాధించిన ఫొటోపై అక్కినేని అభిమానులు తమదైన శైలిలో కామెంట్లు చేస్తున్నారు. ‘ అమల బ్లూక్రాస్ ద్వారా మూగజీవాలను అక్కున చేర్చుకుంటున్నారు. ఎన్నో సామాజిక కార్యక్రమాల్లో భాగమయ్యే అక్కినేని కోడలు సమంత కూడా మరోసారి తన మంచి మనసును చాటుకున్నారు. మూగజీవాలపై ఆమెకు ఉన్న ఈ ప్రేమను ఈ విధంగా ఆవిష్కరించారు’ అంటూ అభినందిస్తున్నారు. కాగా తన భర్త నాగ చైతన్యకు జోడీగా నటించిన మజిలీ మంచి విజయం సాధించడంతో పాటుగా.. కొరియన్ మూవీ రీమేక్.. ఓ బేబీ సక్సెస్తో సామ్ ఫుల్ జోష్లో ఉన్న సంగతి తెలిసిందే.
|
|