Ustad Bhagat Singh ఓటీటీలోకి.. Pawan Kalyan ఫ్యాన్స్‌కు గుడ్ న్యూస్

Pawan Kalyan సినిమా అంటే థియేటర్లలోనే కాకుండా ఓటీటీలో కూడా రికార్డుల పరంపర కొనసాగడం సహజం. గత ఏడాది OG మూవీతో భారీ హిట్ అందుకున్న పవన్, తాజాగా Ustad Bhagat Singhతో ప్రేక్షకుల ముందుకు వచ్చారు.ఈ చిత్రానికి Harish Shankar దర్శకత్వం వహించడంతో రిలీజ్‌కు ముందే అంచనాలు భారీగా పెరిగాయి. 2012లో వీరిద్దరి కాంబినేషన్‌లో వచ్చిన Gabbar Singh ఎంతటి సంచలన విజయాన్ని సాధించిందో తెలిసిందే. ఆ సినిమా పవన్ కెరీర్‌లోనే బిగ్గెస్ట్ హిట్‌గా నిలవడంతో పాటు ఇండస్ట్రీ హిట్‌గా కూడా గుర్తింపు పొందింది.అయితే చాలా కాలం తర్వాత ఈ క్రేజీ కాంబో మళ్లీ రిపీట్ కావడంతో ఫ్యాన్స్ భారీ ఆశలు పెట్టుకున్నారు. కానీ ‘ఉస్తాద్ భగత్ సింగ్’ ఆ అంచనాలను అందుకోలేకపోయింది. బాక్సాఫీస్ వద్ద ఆశించిన స్థాయిలో వసూళ్లు సాధించకపోవడంతో, ఈ సినిమా పవన్ కెరీర్‌లో నిరాశ కలిగించిన చిత్రంగా నిలిచింది. రూ.100 కోట్ల మార్క్‌ను కూడా దాటలేకపోయింది.ఇప్పుడేమో ఈ సినిమా ఓటీటీ రిలీజ్‌పై చర్చ మొదలైంది. థియేటర్లలో మిస్ అయిన ప్రేక్షకులు డిజిటల్ ప్లాట్‌ఫామ్‌లో చూడాలని ఆసక్తి చూపుతున్నారు. తాజా సమాచారం ప్రకారం ఈ మూవీ డిజిటల్ హక్కులను ప్రముఖ ఓటీటీ ప్లాట్‌ఫామ్ Netflix భారీ మొత్తానికి సొంతం చేసుకున్నట్లు తెలుస్తోంది.మరోవైపు నిర్మాత Naveen Yerneni తెలిపిన వివరాల ప్రకారం, ఈ చిత్రం ఏప్రిల్ 24 నుంచి స్ట్రీమింగ్‌కు అందుబాటులోకి వచ్చే అవకాశం ఉంది. సాధారణంగా థియేటర్లలో విడుదలైన కొన్ని వారాల తర్వాతే ఓటీటీలోకి వచ్చే ఈ సినిమా, తెలుగుతో పాటు తమిళం, కన్నడ, మలయాళం, హిందీ భాషల్లో కూడా ప్రేక్షకులకు అందుబాటులోకి రానుంది.