రష్మిక-విజయ్ వెడ్డింగ్ రిసెప్షన్: చిరంజీవి, నాగార్జున, చైతన్య హాజరైన అందాల వీక్షణ!

టాలీవుడ్ మోస్ట్ సెలబ్రేటెడ్ కపుల్ విజయ్ దేవరకొండ, రష్మిక మందన్నల వివాహ వేడుకలు హైదరాబాద్ రిసెప్షన్‌తో ఘనంగా ముగిసాయి. ఫిబ్రవరి 26న ఉదయ్‌పూర్‌లో జరిగిన పెళ్లి తరువాత, ఈ జంట సినీ ప్రముఖుల కోసం ఏర్పాటు చేసిన ప్రత్యేక విందులో మెరిసిపోవడం అభిమానుల దృష్టిని ఆకర్షించింది.
*సాంప్రదాయ దుస్తుల్లో కొత్త దంపతులు : రిసెప్షన్ కోసం రష్మిక ఎరుపు-బంగారు కలర్ పట్టుచీరలో అద్భుతంగా మెరిసిపోయి, సంప్రదాయ తెలుగు కోడల లాగా అందం చూపించారు. విజయ్ క్రీమ్ కలర్ కుర్తా-ధోతీ, భుజంపై కండువాతో రాయల్ లుక్‌లో కనిపించాడు. వేదికకు రాగానే జంట కెమెరాలకు నవ్వుతూ ఫోజులు ఇచ్చింది. ఈ సమయంలో విజయ్ పాపరాజీలతో మాట్లాడుతూ, “ఈ రోజు వేడుకలను ముగించి, కాస్త అండర్ గ్రౌండ్ (ఏకాంత) సమయాన్ని ఎంజాయ్ చేయాలనుకుంటున్నాం” అని సరదాగా చెప్పాడు. ఈ వ్యాఖ్యలకు రష్మికతో పాటు సమూహంలో ఉన్నవారు నవ్వుల్లో మునిగిపోయారు.
*సినీ దిగ్గజాల హాజరు: రిసెప్షన్‌లో టాలీవుడ్ పెద్దలంతా హాజరయ్యారు. మెగాస్టార్ చిరంజీవి దంపతులు, దగ్గుబాటి వెంకటేష్, నాగార్జున భార్య అమలతో, కుమారుడు నాగచైతన్యతో వచ్చారు. నేచురల్ స్టార్ నాని, నమ్రతా శిరోద్కర్ కుమార్తె సితారతో హాజరయ్యారు. సీనియర్ నటి రాధికా శరత్‌కుమార్, శరత్‌కుమార్, దర్శకుడు సుకుమార్, నవీన్ పొలిశెట్టి, దీక్షిత్ శెట్టి, బాలీవుడ్ నటి నీలా గుప్తా వంటి ఇతర ప్రముఖులు కూడా ఈ వేడుకలో సందడి చేశారు.
*ప్రైవేట్ వెడ్డింగ్ నుంచి పబ్లిక్ రిసెప్షన్ వరకు : గీత గోవిందం, డియర్ కామ్రేడ్ సినిమాల ద్వారా ప్రేమగా పరిచయమైన ఈ జంట, పెళ్లి వరకు సంబంధాన్ని చాలా సీక్రెట్‌గా ఉంచారు. ఉదయ్‌పూర్‌లో ఆరావళి కొండల మధ్య లగ్జరీ హోటల్‌లో బంధుమిత్రుల సమక్షంలో మాత్రమే వివాహం జరిగింది. పెళ్లి తర్వాత ఆలయాలు సందర్శించి, సొంతూరిలో వ్రతాలు పూర్తి చేసిన ఈ జంట రిసెప్షన్‌తో వేడుకలకు ముగింపు పలికారు. దేశవ్యాప్తంగా స్వీట్లు పంచడం, అన్నదానాలు చేయడం ద్వారా వారు ప్రత్యేక గుర్తింపును సంపాదించారు.
*సెప్టెంబర్‌లో మళ్ళీ వెండితెరపై :నిజ జీవితంలో ఒక్కటైన విజయ్-రష్మిక జంట త్వరలోనే వెండితెరపై కూడా మళ్ళీ జంటగా కనిపించనుంది. రాహుల్ సాంకృత్యన్ దర్శకత్వంలో ‘రణబాలి’ అనే పీరియడ్ డ్రామా చిత్రంలో విజయ్ ‘రణబాలి’, రష్మిక ‘జయమ్మ’ పాత్రల్లో అలరించనున్నారు. ఈ సినిమా సెప్టెంబర్ 11న ప్రపంచవ్యాప్తంగా విడుదల కానుంది.