నేడు విడుదల కానున్న ‘గుర్రం పాపిరెడ్డి’ చిత్రం
cinema | Suryaa Desk | Published : Fri, Dec 19, 2025, 08:57 AM
నరేష్ అగస్త్య, ఫరియా అబ్దుల్లా జంటగా నటించిన వైవిధ్యమైన చిత్రం ‘గుర్రం పాపిరెడ్డి’. డార్క్ కామెడీ జోనర్లో తెరకెక్కిన ఈ సినిమా నేడు (డిసెంబరు 19) విడుదల కానుంది. ఈ సందర్భంగా చిత్ర యూనిట్ నిర్వహించిన ప్రీ-రిలీజ్ ప్రెస్ మీట్కు ప్రముఖ హాస్యనటుడు బ్రహ్మానందం ముఖ్య అతిథిగా హాజరయ్యారు. ఈ చిత్రంలో ఆయన కీలకమైన జడ్జి పాత్రలో కనిపించనున్నారు.ఈ వేడుకలో బ్రహ్మానందం మాట్లాడుతూ ఆసక్తికర విషయాలు పంచుకున్నారు. "ఈ సినిమా కథను ప్రేక్షకులకు వివరించే కీలక బాధ్యత నా పాత్రదే. దర్శకుడు మురళీ మనోహర్ ఈ తరం ప్రేక్షకులకు నచ్చే సరికొత్త కథాంశాన్ని ఎంచుకున్నారు. ముఖ్యంగా నరేష్ అగస్త్య, ఫరియా అబ్దుల్లా తమ పాత్రల కోసం ఎంతో కష్టపడ్డారు. వారి ఓల్డ్ ఏజ్ గెటప్స్ చూసి మొదట నేను గుర్తుపట్టలేకపోయాను" అని ప్రశంసించారు.ఈ చిత్రంలో తమిళ కమెడియన్ యోగి బాబు పాత్ర ప్రత్యేక ఆకర్షణగా నిలుస్తుందని, ఆయన తనదైన శైలిలో నవ్వులు పంచుతారని బ్రహ్మానందం తెలిపారు.
|
|