ఉర్మిళతో తన సంబంధం ఎంతవరకో చెప్పిన రామ్ గోపాల్ వర్మ
cinema | Suryaa Desk | Published : Fri, Dec 05, 2025, 08:09 PM
రామ్ గోపాల్ వర్మ, నటి ఉర్మిళా మటోండ్కర్ మధ్య ఒకప్పుడు ఎఫైర్ ఉందంటూ వచ్చిన వార్తలపై ఆయన ఎట్టకేలకు స్పందించారు. ఉర్మిళ అత్యంత ప్రతిభావంతురాలైన నటి అని కొనియాడిన వర్మ, తమపై వచ్చిన పుకార్లను కొట్టిపారేశారు. 1990లలో వర్మ దర్శకత్వంలో వచ్చిన ‘రంగీలా’, ‘సత్య’, ‘దౌడ్’ వంటి చిత్రాలతో ఉర్మిళ స్టార్ హీరోయిన్గా ఎదిగిన విషయం తెలిసిందే.ఇటీవల ఓ ఇంటర్వ్యూలో వర్మ మాట్లాడుతూ నా దృష్టిలో ఉర్మిళ అత్యంత ప్రతిభావంతురాలైన నటి. అందుకే ఆమెతో ఎక్కువ సినిమాలు చేశాను. నిజానికి నేను అమితాబ్ బచ్చన్తో ఇంకా ఎక్కువ సినిమాలు చేశాను, కానీ దాని గురించి ఎవరూ మాట్లాడరు" అని అన్నారు. తమపై వచ్చిన రూమర్ల గురించి ప్రస్తావిస్తూ.. "ఇదంతా సిస్టమ్ సోషల్ మీడియా చేసే పని" అని వ్యాఖ్యానించారు.గతంలో వీరిద్దరి మధ్య ఉన్న సాన్నిహిత్యం కారణంగా వర్మ వైవాహిక జీవితంలో సమస్యలు వచ్చాయని కూడా వార్తలు వచ్చాయి. వర్మ తన ఆత్మకథ ‘గన్స్ & థైస్’లో ఉర్మిళ గురించి ఓ ప్రత్యేక అధ్యాయం రాశారు. ఆమె అందానికి మంత్రముగ్ధుడనై ‘రంగీలా’ సినిమా తీయాలనుకున్నట్లు అందులో పేర్కొన్నారు.కాగా, 1995లో విడుదలై సంచలన విజయం సాధించిన ‘రంగీలా’ చిత్రాన్ని ఇటీవల 4K HD క్వాలిటీతో నవంబర్ 28న థియేటర్లలో మళ్లీ విడుదల చేశారు. అమీర్ ఖాన్, జాకీ ష్రాఫ్ కీలక పాత్రల్లో నటించిన ఈ చిత్రం అప్పట్లో ఓ ట్రెండ్సెట్టర్గా నిలిచింది.
|
|