'ఆంధ్ర కింగ్ తాలూకా' చిత్రం ఒక అద్భుతమైన ఎమోషన్స్ ఉన్న చిత్రం
cinema | Suryaa Desk | Published : Wed, Nov 26, 2025, 04:47 PM
రామ్ పోతినేని కథానాయకుడిగా నటించిన 'ఆంధ్ర కింగ్ తాలూకా' చిత్రంలో కీలక పాత్ర పోషించిన కన్నడ స్టార్ ఉపేంద్ర, సినిమా విశేషాలను పంచుకున్నారు. ఈ చిత్రం ఈ గురువారం విడుదల కానున్న సందర్భంగా ఆయన మీడియాతో మాట్లాడారు. ఇదొక అద్భుతమైన ఎమోషన్స్ ఉన్న చిత్రమని, ఒక స్టార్ హీరోకి, అతన్ని ప్రాణంగా ఆరాధించే అభిమానికి మధ్య జరిగే కథ అని తెలిపారు. దర్శకుడు మహేశ్బాబు హీరో-అభిమాని మధ్య ఉండే బంధాన్ని చాలా కొత్తగా, అద్భుతంగా తెరపై ఆవిష్కరించారని ఉపేంద్ర ప్రశంసించారు. ఈ కథ విన్నప్పుడు తాను కూడా ఒక ప్రేక్షకుడిలాగే ఫీలయ్యానని పేర్కొన్నారు. రామ్ గొప్ప నటుడని, ఒక స్టార్ హీరో అయి ఉండి కూడా, సామాన్య అభిమానిలో ఉండే అమాయకత్వాన్ని ఆయన పలికించిన తీరు సినిమాకు ప్రత్యేక ఆకర్షణగా నిలుస్తుందని అన్నారు. రామ్, భాగ్యశ్రీ బోర్సే మధ్య వచ్చే రెట్రో ప్రేమకథ హృదయాలను హత్తుకుంటుందని చెప్పారు. మైత్రీ మూవీ మేకర్స్ నిర్మాణ విలువలు బాగున్నాయని, ఇంత మంచి ఎమోషనల్ సినిమాను నిర్మించినందుకు వారిని అభినందించారు.
|
|