నాగచైతన్య 'వృషకర్మ' ఫస్ట్ లుక్ లాంచ్ చేసిన మహేశ్ బాబు
cinema | Suryaa Desk | Published : Sun, Nov 23, 2025, 03:59 PM
అక్కినేని హీరో నాగచైతన్య పుట్టినరోజు సందర్భంగా ఆయన కొత్త సినిమా ఫస్ట్ లుక్ను సూపర్ స్టార్ మహేశ్ బాబు విడుదల చేశారు. 'విరూపాక్ష' ఫేం కార్తీక్ దండు దర్శకత్వంలో చైతూ నటిస్తున్న ఈ చిత్రానికి 'వృషకర్మ' అనే టైటిల్ను ఖరారు చేశారు. ఫస్ట్ లుక్ పోస్టర్ను సోషల్ మీడియాలో షేర్ చేసిన మహేశ్ బాబు నాగచైతన్యకు పుట్టినరోజు శుభాకాంక్షలు తెలిపారు.నాగచైతన్యా నీ 'వృషకర్మ' లుక్ సూపర్ సాలిడ్గా ఉంది, ఈ సినిమా కోసం ఎదురుచూస్తున్నాను అని పేర్కొన్నారు.'వృషకర్మ' ఫస్ట్ లుక్లో నాగచైతన్య ఓ కోట ముందు చేతిలో ఆయుధంతో చాలా పవర్ఫుల్గా కనిపిస్తున్నారు. ఆయన లుక్ అభిమానులను విశేషంగా ఆకట్టుకుంటోంది. ఇప్పటివరకు లవ్, యాక్షన్ కథలతో అలరించిన చైతూ, ఈ సినిమాతో పూర్తిగా కొత్త జానర్ అయిన మైథలాజికల్ థ్రిల్లర్ను ప్రయత్నిస్తున్నారు. ఇందులో ఆయన ట్రెజర్ హంటర్ పాత్రలో కనిపించనుండగా, ఆయన సరసన మీనాక్షి చౌదరి హీరోయిన్గా నటిస్తున్నారు. ఆమె ఆర్కియాలజిస్ట్ 'దక్ష' పాత్ర పోషిస్తున్నారు.ప్రస్తుతం ఈ సినిమా షూటింగ్ వేగంగా జరుగుతోంది. అన్నపూర్ణ స్టూడియోస్లో కొండలు, గుహలతో కూడిన ఓ భారీ సెట్ను నిర్మించి కీలక సన్నివేశాలను చిత్రీకరిస్తున్నట్లు సమాచారం. ఈ చిత్రాన్ని ఎస్వీసీసీ పతాకంపై బీవీఎస్ఎన్ ప్రసాద్ నిర్మిస్తుండగా, సుకుమార్ రైటింగ్స్ కూడా భాగస్వామిగా ఉంది
|
|