ట్రెండింగ్
జయకృష్ణ తొలిచిత్రంలో హీరోయిన్ గా రవీనా టాండన్ కుమార్తె రాషా థడానిని
cinema | Suryaa Desk | Published : Mon, Nov 17, 2025, 04:55 PM
దివంగత సూపర్ స్టార్ కృష్ణ మనవడు, రమేశ్ బాబు కుమారుడైన జయకృష్ణ ఘట్టమనేని హీరోగా ఎంట్రీ ఇస్తున్నారు. ‘RX100’, ‘మంగళవారం’ వంటి విజయవంతమైన చిత్రాల దర్శకుడు అజయ్ భూపతి ఈ సినిమాను తెరకెక్కిస్తున్నారు. తాజాగా ఈ చిత్రంలో హీరోయిన్ ఎవరనే ఉత్కంఠకు చిత్రబృందం తెరదించింది.కొంతకాలంగా ప్రచారంలో ఉన్నట్లుగానే, ఈ సినిమాలో బాలీవుడ్ నటి రవీనా టాండన్ కుమార్తె రాషా థడానిని హీరోయిన్గా అధికారికంగా ఖరారు చేశారు. ఈ విషయాన్ని దర్శకుడు అజయ్ భూపతి సోషల్ మీడియా ద్వారా ప్రకటిస్తూ రాషా ఫస్ట్ లుక్ను విడుదల చేశారు. బైక్పై జీన్స్, బ్లాక్ టీ షర్ట్లో కూర్చుని ఉన్న రాషా లుక్ ఆకట్టుకుంటోంది. "AB-4 ప్రాజెక్ట్లోకి జాతీయ సంచలనం రాషా థడానిని స్వాగతిస్తున్నాం. ఆమె నటనతో అందరినీ మంత్రముగ్దులను చేస్తుంది. ప్రేక్షకులు కచ్చితంగా ఆమెతో ప్రేమలో పడతారు" అని ఆయన పేర్కొన్నారు.
|
|