ఈ నెల 21నుండి ఓటీటీకి 'బైసన్'
cinema | Suryaa Desk | Published : Mon, Nov 17, 2025, 04:34 PM
తమిళంలో ఇటీవల కాలంలో యూత్ ఎక్కువగా మాట్లాడుకున్న పేరు 'బైసన్'. సీనియర్ స్టార్ హీరో విక్రమ్ తనయుడు 'ధ్రువ్' హీరోగా చేసిన సినిమా ఇది. మారి సెల్వరాజ్ దర్శకత్వం వహించిన ఈ సినిమా, అక్టోబర్ 17వ తేదీన థియేటర్లకు వచ్చింది. తమిళంలో ఈ సినిమా భారీ హిట్ ను సాధించింది. తెలుగులో ఈ సినిమాను రిలీజ్ చేశారు. అయితే పబ్లిసిటీ పెద్దగా లేని కారణంగా పట్టించుకోలేదు. కాకపోతే చూసినవాళ్లు బాగానే ఉందన్నారు.ఈ సినిమాను థియేటర్లలో చూడనివాళ్లు ఓటీటీకి ఎప్పుడు వస్తుందా అని చాలా రోజులుగా వెయిట్ చేస్తున్నారు. ఇప్పుడు ఇక వాళ్ల నిరీక్షణకు తెరపడనుంది. ఈ సినిమాను ఈ నెల 21వ తేదీన ఐదు భాషల్లో స్ట్రీమింగ్ చేయనున్నట్టుగా 'నెట్ ఫ్లిక్స్' వారు అధికారిక పోస్టర్ ను రిలీజ్ చేశారు. అనుపమ పరమేశ్వరన్ కథానాయికగా నటించిన ఈ సినిమాలో, పశుపతి .. అమీర్ .. లాల్ .. రజీషా విజయన్ ముఖ్యమైన పాత్రలలో నటించారు.
|
|