డిస్క్రిప్షన్: ఉన్నత విద్య కోసం ప్రస్తుత ఇన్చార్జ్ మీనాక్షి నటరాజన్ విదేశాలకు వెళ్లనుండటంతో, తెలంగాణ కాంగ్రెస్ నూతన వ్యవహారాల ఇన్చార్జ్గా రాజస్థాన్ మాజీ సీఎం అశోక్ గెహ్లాట్ను నియమించేందుకు అధిష్ఠానం కసరత్తు చేస్తోంది.
తెలంగాణ కాంగ్రెస్ వ్యవహారాల కొత్త ఇన్చార్జ్గా రాజస్థాన్ మాజీ ముఖ్యమంత్రి, సీనియర్ నేత అశోక్ గెహ్లాట్ నియమితులయ్యే అవకాశాలు కనిపిస్తున్నాయి. ప్రస్తుత ఇన్చార్జ్ మీనాక్షి నటరాజన్ ఉన్నత విద్య నిమిత్తం సుమారు 10 నెలల పాటు విదేశీ పర్యటనకు వెళ్లనుండటంతో ఈ మార్పు అనివార్యమైంది.
దీపా దాస్మున్షీ స్థానంలో 2025 ఫిబ్రవరిలో బాధ్యతలు చేపట్టిన మీనాక్షి నటరాజన్ సుదీర్ఘ సెలవుపై వెళ్లనున్న నేపథ్యంలో కొత్త నేత ఎంపికపై అధిష్ఠానం దృష్టి సారించింది. ఈ రేసులో ముకుల్ వాస్నిక్, శక్తిసిన్హ్ గోహిల్ పేర్లు కూడా వినిపిస్తున్నప్పటికీ, అపార రాజకీయ అనుభవం ఉన్న అశోక్ గెహ్లాట్ వైపే ఏఐసీసీ నాయకత్వం మొగ్గు చూపుతున్నట్లు సమాచారం. త్వరలోనే అధిష్ఠానం దీనిపై అధికారిక ప్రకటన చేయనుంది.
జాతీయం
తెలంగాణ కాంగ్రెస్కు కొత్త సారథి: ఇన్చార్జ్ రేసులో సీనియర్ నేత అశోక్ గెహ్లాట్!
