యువ హీరో సంగీత్ శోభన్ నటిస్తున్న క్రేజీ ప్రాజెక్ట్ "అంతా రాములోరు చూస్కుంటారు". టాలెంటెడ్ డైరెక్టర్ పల్నాటి సూర్యప్రతాప్ దర్శకత్వంలో ఎంటర్టైనింగ్ లవ్ స్టోరీగా ఈ సినిమా తెరకెక్కుతోంది. శ్రీమతి శ్రావణి సమర్పణలో ధీరజ్ మొగిలినేని ఎంటర్టైన్మెంట్, వి.జి.బి. ఎంటర్టైన్మెంట్ బ్యానర్లపై ధీరజ్ మొగిలినేని, గిరిబాబు వల్లభనేని ఈ చిత్రాన్ని నిర్మిస్తున్నారు. లక్ష్మీ భూపాల్ ఈ చిత్రానికి మాటలు అందిస్తున్నారు.
తాజాగా ఈ సినిమాలో హీరోయిన్గా నటిస్తున్న బ్యూటిఫుల్, టాలెంటెడ్ నటి అనస్వర రాజన్ పుట్టినరోజు సందర్భంగా మేకర్స్ ఆమెకు ప్రత్యేకంగా జన్మదిన శుభాకాంక్షలు తెలుపుతూ స్పెషల్ పోస్టర్ను విడుదల చేశారు. ఈ చిత్రంలో ఆమె 'శిరీష' అనే పాత్రలో ప్రేక్షకులను అలరించబోతున్నారు. ఇటీవల విడుదలైన టైటిల్ గ్లింప్స్ ఈవెంట్లోనూ అనస్వర స్క్రీన్ ప్రెజెన్స్, ఆమె పెర్ఫార్మెన్స్పై చిత్ర యూనిట్ ప్రశంసల జల్లు కురిపించింది. ఈ సినిమా ఆమె కెరీర్లో మరో ప్రత్యేకమైన గుర్తింపు తెచ్చిపెట్టడం ఖాయమని చిత్ర వర్గాలు భావిస్తున్నాయి.
