సోమ్‌దేవ్‌ @141

న్యూఢిల్లీ: భారత టెన్నిస్‌ సోమ్‌దేవ్‌ దేవ్‌వర్మన్‌ తాజా సింగిల్స్‌ ర్యాంకింగ్స్‌లో 141వ స్థానానికి చేరుకున్నాడు. సౌతాఫ్రికా ఓపెన్‌లో క్వార్టర్‌ ఫైనల్‌ కు చేరుకోవడం ద్వారా సోమ్‌దేవ్‌ తన ర్యాంక్‌ను 21 స్థానాలు మెరుగుపరుచుకుని 141వ స్థానంలో నిలిచాడు. ప్రస్తుతం పురుషుల సింగిల్స్‌లో భారత్‌కు ఇదే అత్యుత్తమ ర్యాంక్‌ కావడం విశేషం. మరోవైపు సౌతాఫ్రికా ఓపెన్‌లో డబుల్స్‌ టైటిల్‌ సాధించిన రోహన్‌ బోపన్న 69వ ర్యాంక్‌కు చేరుకున్నాడు. ఇక స్టార్‌ ఆటగాళ్లు మహేశ్‌ భూపతి, లియాండర్‌ పేస్‌ తమ పాత ర్యాంక్‌లను కాపాడుకున్నాడు. మహిళల సింగిల్స్‌లో సానియా మీర్జా 59వ, డబుల్స్‌లో 33వ ర్యాంక్‌ను నిలబెట్టుకొంది.